बैंकिङ्ग समाचार, काठमाडौं ।
नेपाल राष्ट्र बैंकले गत आर्थिक वर्ष २०७९/८० को वार्षिक तथ्याङ्कमा आधारित रहेर देशको वर्तमान आर्थिक तथा वित्तीय स्थिति सार्वजनिक गरेको छ । उक्त विवरण अनुसार आर्थिक वर्ष २०७९(८० मा कुल १२ खर्ब बढी रेमिट्यान्स नेपाल भित्रिएको छ । 

नेपाल राष्ट्र बैंकको मासिक तथ्याङ्क अनुसार आर्थिक वर्ष २०७९/८० असारसम्ममा १२ खर्ब २० अर्ब ५६ करोड रुपैयाँ कुल रेमिट्यान्स भित्रिएको हो । तथ्याङ्क अनुसार गत वर्ष अघिल्लो वर्षको तुलनामा २१.२ प्रतिशत बढी रेमिट्यान्स भित्रिएको केन्द्रिय बैंकले जनाएको छ । अघिल्लो वर्ष विप्रेषण आप्रवाह ४.८ प्रतिशतले बढेको थियो ।

अमेरिकी डलरमा विप्रेषण आप्रवाह १२.१ प्रतिशतले बढेर ९ अर्ब ३३ करोड पुगेको छ । अघिल्लो वर्ष यस्तो आप्रवाह २.२ प्रतिशतले बढेको थियो ।