बैंकिङ्ग समाचार, काठमाडौं ।
नेपाल स्टक एक्सचेन्ज (नेप्से) मा मर्जर सम्पन्न पश्चमत युनाइटेड अजोड इन्स्योरेन्स कम्पनीको शेयर सूचीकृत भएको छ । साविकको युनाइटेड इन्स्योरेन्स र अजोड इन्स्योरेन्स मर्जर पश्चात नयाँ बनेको युनाइटेड अजोड इन्स्योरेन्स कम्पनी लिमिटेडको नामबाट शेयर सूचीकृत भएको हो ।

यी दुई कम्पनीबिच  १ः०.८२५० को अनुपातमा मर्जर भएको थियो । मर्जर पश्चात कायम हुन आएको १ करोड ९० लाख ४५ हजार ६८० कित्ता साधारण शेयर युनाइटेड अजोड इन्स्योरेन्सको नेप्सेमा सूचीकृत भएको हो ।

नेप्सेले कम्पनीको शेयरलाई रू. ४८९ दशमलव ४९ ओपनिङ्ग रेन्ज प्रदान गरेको छ । सोही ओपनिङ्ग रेञ्जलाई आधार मानेर कम्पनीको शेयर सोमबारदेखि दोस्रो बजारमा कारोबारमा आउनेछ । कम्पनीको शेयरलाई नेप्सेले युएआईएल (UAIL) कारोबार संकेत प्रदान गरेको छ ।

त्यस्तै नेप्सेले साबिक अजोड इन्स्योरेन्सको शेयर सूचीकरण खारेज गरी युनाइटेड अजोड इन्स्योरेन्सको नाममा शेयर सूचीकरण भएको पनि जनाएको छ ।