बैंकिङ्ग समाचार, काठमाडौं ।
गरिमा क्यापिटल कम्पनी लिमिटेडको संचालक समितिमा हेरफेर भएको छ ।

गरिमा क्यापिटल कम्पनी लिमिटेडको हालै सम्पन्न सञ्चालक समितिको बैठकबाट स्वतन्त्र सञ्चालकका रूपमा महेश प्रसाद काफ्ले र नगीमा श्रेष्ठ नियुक्त भएका छन् भने यस कम्पनीको मुख्य कम्पनी गरिमा विकास बैंक लिमिटेडलाई प्रतिनिधित्व गर्ने सञ्चालकहरु यादव कुमार श्रेष्ठ र रमा कान्त बरालको राजीनामा स्वीकृत भएको छ । 

साथै, गरिमा विकास बैंक लिमिटेडलाई प्रतिनिधित्व गर्ने गरी राम प्रसाद श्रेष्ठ र अनिल रेग्मी सञ्चालकको रुपमा नियुक्त भएका छन् ।  

कम्पनीको सञ्चालक समितिमा उपरोक्त बमोजिमका सदस्यहरुको हेरफेर पश्चात् यस कम्पनीको हालको सञ्चालक समिति निम्न बमोजिम रहेको छः

राजीनामा दिई स्वीकृत भएका सञ्चालकहरुको यस संस्थाको व्यवसायिक तथा बहुआयामिक उन्नयनमा महत्वपूर्ण तथा अतुलनीय योगदान रहेकोमा उच्च मूल्याङ्कन गर्दै सम्मान व्यक्त गरेको र आगामी दिनमा समेत यस संस्था प्रति पूर्व संचालकहरुको निरन्तर सहयोग र सद्भावको पूर्ण अपेक्षा रहेको कम्पनीले बताएको छ । 

साथै, नवनियुक्त सञ्चालकहरुलाई यस संस्थामा हार्दिक स्वागत गर्दै बधाई तथा सफल कार्यकालको शुभकामना व्यक्त गरिएको कम्पनीले जनाएको छ ।