बैंकिङ्ग समाचार, काठमाडौं ।
रिलायबल नेपाल लाइफले राष्ट्रिय क्रिकेट टिमका सबै खेलाडीहरुको म्यादी जीवन बीमा गरिदिएको छ । २३ जना खेलाडीको ६ लाख रुपैयाँ बराबरको एक वर्षको लागि बीमा गरिएको हो । कम्पनीले संस्थागत सामाजिक उत्तरदायित्व अन्तर्गत राष्ट्रिय क्रिकेट टीमका सम्पूर्ण खेलाडीहरुको जेठ १६ गते मंगलबार 'रिलायबल म्यादी जीवन बीमा' गरिदिएको हो ।

उक्त बीमा हस्तान्तरण कार्यक्रममा कम्पनीका वरिष्ठ सहायक महाप्रबन्धक दिपेश बाबु तिवारीले राष्ट्रको नाम उच्च राख्ने खेलाडीहरुलाई यस किसिमको सहयोगले अझ बढी प्रोत्साहन मिल्ने र यस्तो कार्यमा सहभागी हुन पाउँदा खुसी लागेको बताए ।

स्थापनाको छोटो समयमा नै कम्पनीले नेपाली बीमा बजारमा ५० लाखभन्दा बढी बीमालेखहरु जारी गरी छुट्टै पहिचान बनाउन सफल भएको छ ।