बैंकिङ्ग समाचार, काठमाडौं ।
नेपाल स्टक एक्सचेञ्ज (नेप्से)मा कारोबारको अन्तिम दिन बिहिबार झिनो अंकले घटेको छ । आज नेप्से ०.३५ अंकले घटेर २ हजार १ सय ८३ दशमलब २७ विन्दुमा बन्द भएको हो । हिजो नेप्से ०.३७ अंकले बढेर २ हजार १ सय ८३ दशमलव ६२ बिन्दुमा बन्द भएको थियो । 

त्यस्तै, आज नेप्सेमा २ अर्ब ८६ करोड रुपैयाँ बराबरको कारोबार भएको छ । हिजो नेप्सेमा ३ अर्ब ४६ करोड ६५ लाख रुपैयाँ बराबरको कारोबार भएको थियो ।

आज कारोबार भएका कम्पनीमध्ये १०१ वटा कम्पनीको शेयरमूल्य बढेको छ भने १०७ वटा कम्पनीको शेयरमूल्य घटेको छ, ५ वटा कम्पनीको शेयरमूल्य स्थिर रहेको छ ।     

नेप्सेका अनुसार आज चार कम्पनीको शेयरमूल्यमा उच्च वृद्धि भएको छ । आज लुम्बिनी जनरल इन्स्योरेन्स, आदर्श लघुवित्त वित्तीय संस्था, बाराही हाइड्रोपावर र सुर्यज्योती लाइफ इन्स्योरेन्सको शेयरमूल्यमा उच्च वृद्धि भएको हो । 

आज समृद्धि फाइनान्स कम्पनीको शेयरमूल्यमा सबैभन्दा बढी गिरावट भएको छ । यसको शेयरमूल्य ७ प्रतिशत भन्दा बढीले घटेको छ । 

त्यस्तै, कारोबारको आधारमा आज सबैभन्दा बढी समृद्धि फाइनान्स कम्पनीको भएको छ । यसको आज ९ करोड ७० लाखभन्दा बढीको कारोबार भएको छ ।