काठमाडौ– निर्जीवन लघुबीमा कम्पनीहरुले चालु आर्थिक वर्ष २०८१र०८२ को तीन महिनाको अवधीमा कुल १८ करोड ५६ लाख रुपौयाँको बीमा ब्यवसाय गर्न सफल भएका छन् । नेपाल बीमा प्राधिकरणले आज सार्वजनिक गरेको तथ्यांकअनुसार समीक्षा अवधिसम्म ४ वटा निर्जीवन लघु बीमकले ६९ हजार ७९० वटा बीमालेख जारी गरेर बीमाशुल्क आर्जन गरेका हुन्।

नेपाल बीमा प्राधिकरणको तथ्यांक अनुसार नेपाल माइक्रो इन्स्योरेन्सले सबैभन्दा बढी बीमा शुल्क आर्जन गरेको छ । यो कम्पनीले २० हजार ७८० वटा बीमालेख जारी गर्दै ५ करोड ५० लाख ५३ हजार रुपैयाँ कुल बीमाशुल्क आर्जन गरेको छ।

साथै, चालु आर्थिक वर्षको असोज महिना सम्ममा प्रोटेक्टिभ माइक्रो इन्स्योरेन्सले ४ करोड ६१ लाख रुपैयाँ १५ हजार ५४६ वटा बीमालेख जारी गरि कुल बीमाशुल्क आर्जन गरेको हो ।

यसैगरी ट्रस्ट माइक्रो इन्स्योरेन्सले १४ हजार ८७४ वटा बीमालेख जारी गर्दै ४ करोड २६ लाख ५५ हजार रुपैयाँ र स्टार माइक्रो इन्स्योरेन्स १८ हजार ५९० वटा बीमालेख जारी गर्दै ४ करोड १८ लाख ५ हजार रुपैयाँ कुल बीमाशुल्क आर्जन गरेका छन्।