बैंकिङ्ग समाचार, काठमाडौं ।
नेपाल लाइफ इन्स्योरेन्स कम्पनीले २१ वर्ष पुरा गरी २२ औं वर्षमा प्रवेश गरेको अवसरमा विभिन्न ठाउँमा रक्तदान आयोजना गरेको छ । वार्षिकोत्सबको अवसरमा आयोजित बृहत रक्तदान कार्यक्रममा बिरगंजमा २६ जना, जनकपुरमा ५१ जनाले रक्तदान गरेको नेपाल लाइफ इन्स्योरेन्स जनकपुरका शाखा प्रमुख संजय कुमार कामतले बताए ।

हरेक वार्षिकोत्सवमा संस्थागत सामाजिक उत्तरदायित्व अन्तर्गत केही न केहि सामाजिक कार्य गर्ने परम्परा अनुरुप यस वर्ष मधेश प्रदेशमा बिरगंज र जनकपुरमा आयोजना गरिएको रक्तदान कार्यक्रममा नेपाल लाइफ इन्स्योरेन्स कम्पनीका मधेश प्रदेश प्रमुख दशरथ झा सहित कूल ७७ जनाले रक्तदान गरेका हुन् ।

२२ औं वार्षिकोत्सवको अवसरमा नेपाल लाइफ इन्स्योरेन्स जनकपुरको शाखा प्रमुख संजय कुमार कामत र मधेश प्रदेश प्रमुख दशरथ झाले आम सेवाग्राही, व्यावसायिक साझेदार, सहकर्मी मित्रहरु, नियामक निकाय, शुभेच्छुक–शुभचिन्तक सबैलाई धन्यवाद सहित हार्दिक आभार प्रकट गरे ।