बैंकिङ्ग समाचार, काठमाडौं ।
पाँचथर पावर कम्पनीको शेयरमा लागू हुने लकिङ्ग पिरियड फागुन २३ गतेदेखि सकिने भएको छ । कम्पनीको संस्थापक शेयर, आयोजना प्रभावित स्थानिय वासिन्दा र कर्मचारीहरुलाई निष्काशन गरेको शेयरको लकिङ्ग पिरियड सकिन लागेको हो ।

लकिङ्ग पिरियड सकिएपछि कम्पनीको संस्थापक शेयर, आयोजना प्रभावित स्थानि वासिन्दामा बाँडफाँट भएको शेयर र कर्मचारीहरुको लागि बाँडफाँट भएको शेयर पनि फागुन २३ गतेदेखि सर्वसाधारण सरह कारोबार हुने भएको छ । कम्पनीले संस्थापकहरुलाई निष्काशन गरेको ७७ लाख कित्ता शेयर दोस्रो बजारमा सर्वसाधारणमा खरिदबिक्रीको लागि परिणत भएको हो ।

यस्तै, आयोजना प्रभावित स्थानि वासिन्दामा बाँडफाँट भएको एक लाख ७४ हजार ७५० कित्ता र कर्मचारीहरुको लागि बाँडफाँट भएको ९ हजार ५९८ कित्ता पनि दोस्रो बजारमा किनबेच गर्न सकिनेछ ।

कम्पनीले १४.९ मेगावाट क्षमताको हेवा खोला ए जलविद्युत आयोजना निर्माण गरेको थियो ।