काठमाडौं– नेपाल धितोपत्र बोर्ड (सेबोन) ले १० प्रतिशतले घटाएको ब्रोकर कमिसन आजदेखि लागु हुँदैछ । वैशाख २३ गते बसेको बोर्ड सञ्चालक समिति बैठकले जेठ १ गते (आज) बाट लागु हुने गरी ब्रोकर कमिसन घटाउने निर्णय गरेको थियो ।

अब संगठित संस्थाको शेयरको प्रत्येक खरिद तथा बिक्री कारोबारमा धितोपत्र दलाली बापत लिन पाउने सेवा शुल्क ५० हजार रुपैयाँ सम्मको कारोबारमा ०.३६ कमिशन लाग्ने छ । यस्तै, ५० हजारभन्दा माथि ५ लाख रुपैयाँसम्मको कारोबारमा ०.३३ प्रतिशत कमिसन लाग्ने छ भने ५ लाखदेखि २० लाख रुपैयाँसम्मको कारोबारमा ०.३१ प्रतिशत कमिसन लाग्ने छ ।

यस्तै, २० लाखदेखि १ करोड रुपैयाँसम्मको कारोबारमा ०.२७ प्रतिशत कमिसन लाग्ने भएको छ भने १ करोड रुपैयाँभन्दा माथि कारोबारमा ०.२४ प्रतिशत कमिसन लाग्ने छ ।b