बैंकिङ्ग समाचार, काठमाडौं ।
नेपाल स्टक एक्सचेञ्ज (नेप्से)मा आइतबार दोहोरो अंकको गिरावट आएको छ । नेप्से आज ११.६० अंकले घटेर दुई हजार सात सय ५७ दशमलब ५३ विन्दुमा पुगेको हो । 

त्यस्तै, आज कारोबार रकममा पनि गिरावट आएको छ । आइतबार ४ अर्ब ३५ करोड बराबरको  भएको छ । गत विहीबार नेप्सेमा ६ अर्ब २७ करोड १८ लाख बराबरको कारोबार भएको थियो । बुधबार नेप्सेमा ७ अर्ब ३७ करोड ९४ लाख बराबरको कारोबार भएको थियो ।    

नेप्सेका अनुसार बजार घटेपनि दुई कम्पनीको शेयरमूल्यमा भने पोजेटिभ सर्किट लागेको छ । सर्किट लाग्ने कम्पनीहरुमा मानुषी लघुवित्त वित्तीय संस्था र नारायणी डेभलपमेन्ट बैंक कम्पनी रहेका छन् । मानुषी लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता १६४४.८० रुपैयाँ पुगेको छ भने र नारायणी डेभलपमेन्ट बैंकको शेयरमूल्य पनि बढेर प्रतिकित्ता ९५२.६० रुपैयाँ पुगेको छ । 
   
त्यस्तै, आज तेह्रथुम जलविद्युत कम्पनीको शेयरमूल्यमा सर्वाधिक गिरावट आएको छ । आज यस कम्पनीको शेयरमूल्य २ प्रतिशत भन्दा बढीले घटेको छ । यस्तै, कारोबारको आधारमा आज सबैभन्दा बढी कारोबार नेपाल महालक्ष्मी विकास बैंकको भएको छ । यस बैंकको आज ५० करोडभन्दा बढीको कारोबार भएको छ ।