काठमाडौं–नेपाल राष्ट्र बैंकले बिहीबार अधिक तरलता व्यवस्थापन गर्न बैंकिङ्ग प्रणालीबाट ३५ अर्ब रुपैयाँ तानेको छ । केन्द्रीय बैंकले निक्षेप संकलन उपकरण प्रयोग गर्दै बैंकिङ्ग प्रणालीबाट पैसा तानेको हो ।

यसको बोलकबोल आज दिउँसो ३ बजे भएको हो । यो १४ दिने निक्षेप संकलन उपकरणको साँवा तथा ब्याज भुक्तानी चैत २२ गते गरिनेछ।

निक्षेप संकलन उपकरणको बोलकबोलमा राष्ट्र बैंकबाट इजाजतपत्र प्राप्त ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी भएका थिए ।