बैकिङ्ग समाचार ।

नेपाल राष्ट्र बैंकले मंगलबारदेखि विकास ऋणपत्रको बिक्री खुलाउने भएको छ । राष्ट्र बैंकल १० अर्बको ७ वर्षे विकास ऋणपत्र, २०८४ बोलकबोलमार्फत बिक्री गर्ने भएको हो ।

नेपाल सरकारले आन्तरिक ऋण उठाउनका लागि ऋणपत्र जारी गरेको हो। ऋणपत्रका लागि बोलकबोलमा बैंक तथा वित्तीय संस्था, गैर-बैंक वित्तीय संस्था, बीमा कम्पनी तथा नेपाली नागरिकहरूले भाग लिन पाउने छन् । जसको अनलाइनमार्फत बिक्री बोलकबोलका लागि आवेदन खुलाउने बैंकले जानकारी दिएको छ।

सो ऋणपत्र खरिदका माघ १३ गते राष्ट्र बैंकको राष्ट्र ऋण व्यवस्थापन विभागमा गोप्य रुपमा बोलपत्र पेस गर्नु पर्नेछ । यसरी पेस गरिएको बोलपत्र माघ १४ निष्कासन गर्ने राष्ट्र बैंकले जनाएको छ। यसको लागि ब्याजदर बोलकबोल माध्यमबाट निर्धारण हुने उल्लेख छ ।

धितोमा राखी कर्जा समेत लिन सकिने सो ऋणपत्रको सावाँ २०८४ माघ १४ गते भुक्तानी दिने केन्द्रिय बैंकले जनाएको छ । खरिदकर्ताले न्यूनतम ५० हजार देखि सो ले निषेश भाग जाने गरी कुल निष्कासीत रकमका लागी आवेदन दिन सक्नेछ । साथै राष्ट्र बैंकले सो ऋणपत्र धितोपत्रको दोस्रो बजारमा कारोबारका लागी नेपाल स्टक एक्सचेन्जवाट गर्न सकिने जनाएको छ ।

ऋणपत्र खरिद गर्न चाहने व्यक्ति वा संस्थाले बोलकवोल प्रक्रिया अन्तर्गत प्रतिस्पर्धी वा अप्रतिस्पर्धी कुनै एक बोलकबोलको रुपमा मात्र भग लिन पाउने केन्द्रिय बैंकले जनाएको छ । केन्द्रिय बैंकवावाट इजाजत प्राप्त ‘क’,‘ख’ र ‘ग’ वर्गका संस्थाले अप्रतिस्पर्धी बोलवाल हुन पाउदैनन् ।

राष्ट्र बैंकले सो ऋणपत्र प्रतिस्पर्धीलाइ ८५ प्रतिशत अर्थात ८ अर्व ५० करोड र अप्रतिस्पर्धीलाइ १५ प्रतिशत १ अर्ब ५० करोड गरी छ्ट्याएको छ । संस्थागत तथा व्यक्तिगत लगानीकर्ताले लगानी गर्न सक्नेछ । कुनै एक पक्षको ऋणपत्र बिक्री नभएको खण्डमा अर्को पक्षलाई बिक्री गरीनेछ । माग भन्दा धेरै आवेदन परेको खण्डमा दामासाहीको हिसाबले बाडफाँड गरिने केन्द्रीय बैंकले जनाएको छ ।

प्रतिस्पर्धी बोलवालाले खरिद गर्न चाहेको रकम र बोलमुल्य बोलपत्र फारममा उल्लेख गर्नु पर्नेछ । यो ऋणपत्रका लगानीकर्ताले प्रतिफलको रुपमा कति ब्याजदर पाउछन भन्ने कुरा बोलकबोल निष्काशनपछि तय हुने कट अफ रेटका आधारमा पाउने केन्द्रीय बैंकले जनाएको छ । तर, व्याज भने अर्धबार्षिक रुपमा भुक्तानी हुनेछ।