लगातार चौथो दिन घट्यो सुनको मूल्य, कतिमा हुँदैछ कारोबार ?

काठमाडौं – नेपाली बजारमा आज सुनको मूल्य घटेको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा १४ सय रुपैयाँले घटेको छ।

यससँगै आज सुनको मूल्य तोलामा २ लाख ५९ हजार ६ सय रुपैयाँ कायम भएको हो। हिजो प्रतितोला छापावाला सुनको मूल्य तोलामा २ लाख ६१ हजार रुपैयाँमा किनबेच भएको थियो।

आज चाँदीको मूल्यपनि घटेको छ। आज चाँदी तोलामा ५५ रुपैयाँले घटेको हो। यससँगै चाँदी तोलामा ४४ सय १५ रुपैयाँ कायम भएको छ। हिजो चाँदी तोलामा ४४ सय ७० रुपैयाँमा कारोबार भएको थियो।