बैकिङ्ग समाचार,काठमाडौं । 

नाडा अटोमोबाइल्स एशोसिएशन अफ नेपालका अध्यक्ष ध्रुव थापाले सरकारको नीति स्थिर नभएका कारण अटो क्षेत्रमा व्यवसायीले खुलेर लगानी गर्न नसकेकोे बताएका छन् । 

जाम नेपाल र नाडा अटोमोबाइल्स एशोसिएशन अफ नेपालको सहकार्यमा अटो क्षेत्रको वर्तमान अवस्थाबारे अन्र्तक्रिया कार्यक्रममा बोल्दै थापाले यसतो बताएका हुन् । 

उनले सरकारमा नयाँ व्यक्ति आउँदा पूरै नीति नै परिवर्तन गर्ने परिपाटीले गर्दा अटो व्यवसायको स्थिति नाजुक र धरासायी बन्दै गएको बताए ।

अटो व्यवसायीहरूले सरकारको बजेट र मौद्रिक नीतिलाई हेरेर मात्रा लगानी गर्न सकिने परिस्थिती रहेको थापाको भनाई छ ।

थापाले सवारी साधनलाई अनउत्पादक र विलासिता वस्तुको सूचिबाट हटाउन सरकारसँग अग्रह समेत गरेका छन् । उनले सबै सवारी साधनलाई एउटै सूचिमा राख्न नहुने र त्यसलाई वर्गाीकरण गरेर व्यवसायीलाई सहज बनाउनु पर्ने माग राखेका छन् ।

नाडा अटो शो २०२३ का मेला संयोजक अनुप बरालले सरकारले अटोमोबाइल्स क्षेत्रलाई हेर्ने दृषिकोण परिवर्तन गर्नुपर्ने बताएका छन् ।