बैंकिङ्ग समाचार, काठमाडौं ।
सीडीएस एण्ड क्लिएरिङ्ग लिमिटेड (सीडीएससी) ले प्रदान गर्ने मेरो शेयर लगायतका सबै सेवाहरु आज भदौ ४ गते ३ घण्टाको लागि अवरुद्ध हुने भएको छ । आज सोमबार साँझ ५ः३० बजेपछि ३ घण्टाको लागि मेरो शेयर लगायतका सम्पूर्ण सेवाहरु अवरुद्ध हुने सिडीएससीले जनाएको हो ।

सीडीएससीको डाटा सेन्टरमा रहेको बीजीपी राउटर (BGP Router) प्रतिस्थापन गर्नुपर्ने भएकाले सेवा अवरुद्व हुने भएको हो । उक्त कार्य गर्नको लागि तीन घण्टा लाग्ने सीडीएससीले जानकारी गराएको छ । यस अवधिमा मेरो शेयरलगायत सीडीएसले दिंदै आएको अन्य सबै सेवा अवरुद्ध हुनेछ ।