बैंकिङ्ग समाचार, काठमाडौं ।
एनएमबि लघुवित्त वित्तीय संस्था लिमिटेड र जीवन विकास लघुवित्त वित्तीय संस्थाको शेयर मूल्य नेपाल स्टक एक्सचेन्ज (नेप्से) मा समायोजन भएको छ ।

धारण सभा तथा लाभांश वितरण प्रयोजनार्थ यी कम्पनीले बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो । नेप्सेले एनएमबि लघुवित्तको १० प्रतिशत र जीवन विकास लघुवित्तको १४ दशमलव २८५ प्रतिशत बोनस शेयरको समायोजन गरेको हो ।

समायोजनपश्चात् जीवन विकास लघुवित्तको शेयर मूल्य रू.१ हजार ३७० दशमलव २६ र एनएमबि लघुवित्तको रू. ५०९ दशमलव शून्य ९ कायम भएको छ । 

नेप्सेले बिहीवार कारोबार दिनको अन्तिम मूल्यका आधारमा यी कम्पनीको शेयरमूल्य समायोजन गरेको हो । बिहीवार दोस्रो बजारमा जीवन विकास लघुवित्तको शेयरमूल्य प्रतिकित्ता रू. १ हजार ५६६ र एनएमबि लघुवित्तको शेयरमूल्य रू. ५६० मा अन्तिम कारोबार भएको थियो ।

यही समायोजित मूल्यलाई आधार मानेर आइतवारदेखि दोस्रो बजारमा यी दुवै कम्पनीकोे शेयर कारोबार खुल्नेछ ।