बैंकिङ्ग समाचार, काठमाडौं ।
नेपाल फाइनान्स कम्पनी (NFS) को शनिबार सम्पन्न २८ औं वार्षिक साधारण सभाले ललितपुर फाइनान्सलाई प्राप्तिपछि कायम चुक्ता पूँजीको ७० प्रतिशत अर्थात १ः०.७० अनुपातमा हकप्रद शेयर निष्कासन गर्ने प्रस्ताव पारित गरेको छ ।

कम्पनीको केन्द्रीय कार्यालय कमलादीमा भर्चुअल माध्यमबाट सम्पन्न भएको सभाले यसअघिको १ः७५ अनुपातमा हकप्रद शेयर निष्काशन गर्ने निर्णयलाई परिमार्जन गर्दै ७० प्रतिशत जारी गर्ने निर्णय गरेको हो ।

सभाले अन्य बैंक तथा वित्तीय संस्थालाई गाभ्ने गाभिने तथा प्राप्ति गर्ने कार्य अगाडि बढाउनका लागि सञ्चालक समितिलाई अख्तियारी प्रदान गर्ने प्रस्ताव पनि पारित गरेको छ ।

ललितपुर फाइनान्सलाई प्राप्ति पछि नेपाल फाइनान्सको चुक्त पूँजी ४९ करोड ३४ लाख ९६ हजार पुग्नेछ । ७० प्रतिशत हकप्रद शेयर निष्कासन पछि कम्पनीको चुक्ता पूँजी ८३ करोड भन्दा बढी पुग्नेछ ।

हकप्रद शेयर निष्कासन प्रक्रिया साधारण सभाबाट पारित भएसँगै फाइनान्स कम्पनीले निकाय नेपाल धितोपत्र बोर्डमा निवेदन दिएर स्वीकृती पाएपछि मात्र निष्कासन गर्नेछ ।