नारायणप्रसाद दाहाल राष्ट्रिय सभा अध्यक्ष पदमा निर्वाचित

काठमाडौं– राष्ट्रिय सभा अध्यक्ष पदमा नारायणप्रसाद दाहाल निर्वाचित भएका छन् ।राष्ट्रिय सभामा मंगलबार भएको निर्वाचनमा ३९ मत प्राप्त गरी सत्तारुढ गठबन्धनका साझा उम्मेदवार सांसद दाहाल सो पदमा निर्वाचित भएका हुन् ।

काँग्रेस सांसद युवराज शर्माले भने त्यहाँ कायम रहेको ५६ मतमध्ये १७ मत पाएका थिए।नवनिर्वाचित अध्यक्ष दाहालमाथि प्रधानमन्त्री पुष्पकमल दाहालको नातेदार भएकाले अध्यक्ष पद प्राप्त गरेको भन्दै आलोचना हुने गरेको छ ।

नवनिर्वाचित अध्यक्ष दाहाललाई राष्ट्रिय सभाकी उपाध्यक्ष उर्मिला अर्यालले बधाई तथा कार्यकालको पूर्ण सफलताको कामना समेत गरे ।