बैंकिङ्ग कसूर मुद्दाका फरार प्रतिवादी पक्राउ

काठमाडौं– बैंकिङ्ग कसूर मुद्दाका फरार प्रतिवादी प्रविण संग्रौला पक्राउ परेका छन् । प्रहरीले झापा बिर्तामोड नगरपालिका–६ घर भई हाल काठमाडौं महानगरपालिका– ११ कपन बस्ने ४२ वर्षीय संग्रौलालाई शुक्रबार दिउँसो पक्राउ गरेको हाे ।

उच्च अदालत पाटनको २०८० बैशाख १५ गतेको फैसलाले बैंकिङ्ग कसूर मुद्दामा ७ दिन कैद, २१ लाख रूपैयाँ विगो बमोजिम जरिवाना र क्षतिपूर्ति शुल्क ८४ हजार रूपैयाँ भराउने सजाय ठहर भएका उनी फरार थिए ।

फरार रहेका संग्रौलालाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले काठमाडौं महानगरपालिका–२१ सुन्धाराबाट पक्राउ गरेको हो। संग्रौलालाई फैसला कार्यान्वयनका लागि ललितपुर जिल्ला अदालत लगनखेल ललितपुर पठाइएको छ।