कञ्चनपुरमा भारततर्फ लैजाँदै गरेका ७० हजारका बाख्रा बरामद

काठमाडौं – कञ्चनपुरको भीमदत्त नगरपालिका–११, चौकीसत्ताबाट अवैध रूपमा नेपालबाट भारततर्फ भन्सार छलि गरी लैजाँदै गरेका बाख्रा प्रहरीले नियन्त्रणमा लिएको छ।

इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले करिब ७० हजार मूल्य बराबरका बाख्रा बेवारिसे अवस्थामा फेला पारी नियन्त्रणमा लिएको हो।

प्रहरीका अनुसार आवश्यक प्रक्रिया पूरा गरी नियन्त्रणमा लिइएका बाख्रा आवश्यक कारबाहीका लागि कञ्चनपुर भन्सार कार्यालय, गड्डाचौकी पठाइएको छ।