एकैदिन तोलामा ६४ सय रूपैयाँ बढ्यो सुनको मूल्य, तोलाको कति ?

काठमाडौं – नेपाली बजारमा आज सुनचाँदीको मूल्य बढेको छ। सोमबार तोलामा दुई सय रूपैयाँ घटेको सुनको मूल्य यसदिन प्रतितोला ६ हजार चार सय रूपैयाँ बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला तीन लाख सात हजार नौ सय रूपैयाँमा किनबेच भइरहेको छ। सोमबार सुन प्रतितोला तीन लाख एक हजार पाँच सय रूपैयाँमा कारोबार भएको थियो।यस्तै, मंगलबार चाँदीको मूल्य पनि बढेको छ।

सोमबार तोलामा चार हजार ६ सय ७० रूपैयाँमा कारोबार भएको चाँदी मंगलबार चार हजार सात सय ८० रूपैयाँमा कारोबार भइरहेको छ। यो मूल्य अघिल्लो दिनको तुलनामा प्रतितोला एक सय १० रूपैयाँ बढेको हो।