सुनको मूल्य बढ्यो, कतिमा भइरहेको छ कारोबार ?

काठमाडौं – स्थानीय बजारमा आज सुनचाँदीको मूल्य बढेको छ । हिजो बिहीबारको तुलनामा सुन तोलामा २ हजार ७०० र चाँदी १७० ले बढेको हो ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला २ लाख ८७ हजार ४ सय र त्यति नै परिमाणको सेतो धातुको मूल्य४ हजार ५१० कायम भएको छ ।

हिजो छापावाल सुुन प्रतितोला २ लाख ८४ हजार ७ सय र त्यति नै परिमाणको चाँदी ४ हजार ३४० मा कारोबार भएको थियो । गत बुधबार एक तोला छापावाल सुुनरु दुई लाख ८७ हजार १०० र चाँदी ४ हजार ५०० मा खरिदबिक्री भएको थियो ।

अन्तरराष्ट्रिय सञ्चारमाध्यमहरूका अनुसार अन्तरराष्ट्रिय बजारमा आज एक औँस सुन चार हजार १२० र चाँदी ६० अमेरिकी डलरमा कारोबार भइरहेको छ ।