एपोलो हाइड्रोपावरको आईपीओ बाँडफाँट

काठमाडौं – एपोलो हाइड्रापावरको लिमिटेडको आज अर्थात वैशाख ११ गते आईपीओ बाँडफाँट भएको छ। कम्पनीको आईपीओ आज बिहान निष्कासन तथा बिक्री प्रबन्धक, हिमालयन क्यापिटलको कार्यालयमा भएको हो।

कम्पनीले सो आईपीओ गत चैत २६ गतेदेखि वैशाख २ गतेसम्म प्रतिकित्ता १०० रुपैयाँ अंकित मूल्यका ७ करोड ८० लाख २० हजार रुपैयाँबराबरको प्रतिशेयर १०० रुपैयाँ अंकित मूल्यका ७ लाख ८० हजार २०० कित्ता साधारण शेयर सर्वसाधारण शेयरधनीहरुका लागि निष्काशन गरेको थियो। क्यापिटलका अनुसार सो निष्काशनमा कुल २७ लाख २७ हजार ११७ जनाले दुई करोड ९८ लाख ५१ हजार ३८० कित्ता शेयरको लागि आवेदन दिएका थिए।

मागभन्दा बढी आवेदन परेका कारण गोला प्रथा प्रक्रियामार्फत कम्पनीको आईपीओ बाँडफाँट गरिएको छ। जसअनुसार ७८ हजार २० जनाले १० कित्ताका दरले कम्पनीको शेयर प्राप्त गरेका छन्।