बैंकिङ्ग समाचार, काठमाडौं ।
शाइन रेसुङ्गा विकास बैंकले २८ जिल्लामा १४ हजार ४० वटा विरुवा रोपेको छ । बैंकले बार्षिक उत्सवको अवसर पारेर देशको २८ जिल्लाको विभिन्न स्थानमा बोट विरुवा रोेपेर आफ्नो बार्षिक उत्सव मनाएको हो ।  ग्रो ग्रीन प्रोजेक्ट नामक सामाजिक उत्तरदायित्व अन्तर्गत १४ हजार ४० वटा बोट विरुवा रोपेको हो ।  यो कार्यक्रम वि.स २०७८ फागुन ११ गते बाट उक्त बोटविरुवा रोप्ने योजना बनाएको थियो जसमा बैंकले २०७९ मंसिर ११ गते सम्पन्न गरेको हो । अर्थात ९ महिनाको अवधीमा १४ हजार ४० वटा बोट विरुवा रोपेको बैंकले जनाएको छ । जसमा कुल ३२ प्रजातिको बोट–बिरुवा रोपेको थियो ।

यस कार्यमा बैंकले सरोकारवाला निकाय, स्थानिय तह तथा सामुदायिक क्लबको सहयोगमा उक्त कार्य सम्पन्न गरेको हो । देशको विभिन्न जिल्लामा बोट विरुवा रोपेको हो, भने १ सय भन्दा बढी संघ–संस्थाले बैकलाई सहयोग गरेको छ । 
बैंकले अमला, अम्बा,अर्जुना, बेल, धुपी लगायतको बहुउपयोगी बोटविरुवा रोपेको हो ।