एकैदिन ६ खर्बले बढ्याे बैंकिङ्ग निक्षेप, कर्जा प्रवाहमा झिनो सुधार

काठमाडौं – केन्द्रीय बैंकको फागुन १० र ११ गतेकाे तथ्यांकअनुसार बैंकिङ्ग प्रणालीकाे निक्षेपमा भारी रकमको वृद्धि देखिदा कर्जा प्रवाहमा सामान्य सुधार देखिएकाे छ । नेपाल राष्ट्र बैंकको फागुन ११ गतेकाे तथ्यांकअनुसार हाल बैंकिङ्ग प्रणालीमा ६७ खर्ब ४० अर्ब रुपैयाँ निक्षेप संकलन भएको छ ।

त्यस्तै, सो अवधिमा वाणिज्य बैंकहरूले संकलन गर्ने निक्षेप पनि बढेकाे छ । फागुन १० गते ६ खर्ब ६ अर्ब रुपैयाँ निक्षेप संकलन गरेका वाणिज्य बैंकहरू ११ गते ६ खर्ब १३ अर्ब रूपैयाँ रकम बराबरकाे निक्षेप संकलन गरेका छन् ।

सो अवधिमा कर्जा प्रवाह १ अर्बले बढेकाे छ । फागुन १० गते ५४ खर्ब ४० अर्ब रुपैयाँ कर्जा प्रवाह भएकोमा भोलिपल्ट ५४ खर्ब ४१ रूपैयाँ बराबरकाे कर्जा प्रवाह भएकाे छ ।

साे समयमा वाणिज्य बैंकहरूले प्रवाह गर्ने कर्जा भने स्थिर रह्याे । १० गते ४८ खर्ब २९ अर्ब रूपैयाँ कर्जा प्रवाह गरेका वाणिज्य बैंकहले ११ गतेपनि साेहि रकम बराबरकाे कर्जा प्रवाह गरेका छन् ।

सो समयमा अन्तर बैंक ब्याजदर ३ प्रतिशत र सिडी रेसियो ७९ दशमलव ४१ प्रतिशत रहेको केन्द्रीय बैंकको तथ्यांकमा उल्लेख छ ।