११ अंकले बढेको बजारमा कारोबार रकम साढे ११ अर्ब माथि

काठमाडौं – साताकाे पहिलाे काराेबारकाे दिन आइतबार शेयर बजार बढेर बन्द भएको छ । आज शेयर बजार मापक परिसूचक नेपाल स्टक एक्सचेन्ज (नेप्से) ११ दशलमव ६६ अंकले बढेर २,७५५ को बिन्दुमा बजार बन्द भएकाे छ । आज ९१ कम्पनीको शेयर मूल्य बढेको छ भने १४८ कम्पनीको शेयर मूल्य घटेको छ ।

आज दिनभरिमा ३२८ कम्पनीको २ करोड १२ लाख ६ हजार ५ कित्ता शेयर किनबेच हुँदा ११ अर्ब ५४ करोड माथिको शेयर कारोबार भएको छ । आज सबैभन्दा धेरै हिमालयन रिइन्स्योरेन्सको शेयर कारोबार भएको छ । आज यस कम्पनीको ९५ करोड ६४ लाख रुपैयाँको शेयर कारोबार भएको छ । सिटिजन लाइफको ६१ करोड ४८ लाख रुपैयाँको शेयर कारोबार भएको छ । नेपाल पुनर्बीमा कम्पनीको ६० करोड २९ लाख रुपैयाँको शेयर कारोबार भएको छ ।

आज सबैभन्दा धेरै गार्डियन माइक्रो लाइफका लगानीकर्ताले कमाएका छन् । आज यस कम्पनीका लगानीकर्ताले १० प्रतिशतका दरले कमाएका हुन् । कुमारी सबल योजनाका इकाईधनीले ९ दशलमव ९४ प्रतिशतका दरले कमाएका छन् । छ्याङदी हाइड्रोका लगानकिर्ताले ८ प्रतिशतका दरले कमाएका छन् । आज सबैभन्दा धेरै रिलायन्स फाइनान्सका लगानीकर्ताले गुमाएका छन् । आज यसका लगानकिर्ताले ७ दशलमव २४ प्रतिशतका दरले गुमाएका हुन् ।

आइतबार ७ समूहमा हरियाली आएको छ । यसदिन बैंकिङ्ग समूहकाे ०.०३ प्रतिशत, इन्भेष्टमेन्ट समूहको १.३३ प्रतिशत, जीवन बीमा समूहको ०.८६ प्रतिशत, म्युचुअल फण्ड समूहको ०.०२ प्रतिशत, निर्जीवन बीमा समूहको ०.१३ प्रतिशतको शेयर मूल्य बढेको छ।