काठमाडौं– आइतबार सुनको मूल्यमा गिरावट आएको छ । आज सुनको मूल्य प्रतितोला ४०० रुपैयाँले घटेको हो ।

मूल्य घटेसँगै आज छापावाल सुनको मूल्य तोलामा १ लाख २५ हजार रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ । यस्तै आज तेजाबी सुनको मूल्य तोलामा १ लाख २४ हजार ४०० रुपैयाँ कायम छ ।

सुनको मूल्य घट्दा चाँदीको मूल्यमा भने वृद्धि भएको छ । आज चाँदी तोलामा १५ रुपैयाँले बढेर १५ सय ३० रुपैयाँमा कारोबार भइरहेको छ ।