काठमाडौं– साताको पहिलो कारोबारको दिन आइतबार नेपाली बजारमा सुनको मूल्य बढेको छ । आज सुनको मूल्य तोलामा २ हजार रूपैयाँले बढेको हो।

नेपाल सुनचाँदी व्यवसायी महासंघका अनुसार मूल्य बढेसँगै छापावाल सुनको मूल्य प्रतितोला १ लाख २१ हजार र तेजाबी सुनको मूल्य प्रतितोला १ लाख २० हजार ४ सय रुपैयाँ कायम भएको छ ।

शुक्रबार छापावाल सुनको मूल्य तोलामा १ लाख १९ हजार र तेजाबी सुनको मूल्य तोलामा १ लाख १८ हजार ४ सय ५० रुपैयाँ कायम रहेको थियो।

यस्तै आज चाँदीको मूल्य पनि बढेको छ। शुक्रबार १३ सय ९० रूपैयाँमा कारोबार भएको चाँदी आज २० रूपैयाँले बढेर १४ सय १० रूपैयाँमा कारोबार भइरहेको छ।