बैकिङ्ग समाचार ।  
नबिल बैंकले विशेष साधारण सभा आह्वान गरेको छ । बैंक सञ्चालक समितिको जेठ २० गते सम्पन्न बैठकले असार ५ गते शनिबार बिहान ११ बजे केन्द्रीय कार्यालबाट भर्चुअल माध्यमबाट सभा बोलाएको हो ।

बैंकको उक्त विशेष साधारण सभाले युनाइटेड फाइनान्सलाई एक्वायर गर्ने प्रस्ताव पारित गर्नेछ । दुई संस्थाको मर्जर तथा प्राप्ती प्रकृयाका लागि गराइएको सम्पत्ति तथा दायित्व मूल्याङ्कन प्रतिवेदन अनुसार फाइनान्सको १०० कित्ता शेयर हुनेले बैंकको ३५ कित्ता शेयर हुन आएको छ । सोेही अनुसारको कायम हुन आएको प्रस्ताव बैंकले विशेष साधारण सभा मार्फत पारित गर्न लागेको हो ।

यसैगरी मर्जर तथा पप्तीका लागि भएर गरेका सम्पूर्ण काम कारवाहीहरुको अनुमोदन गर्ने, बैंकको प्रबन्धपत्र तथा नियमावलीमा आवश्यक संसोधन गर्ने, र अन्य थप संस्थाहरुसँग पनि मर्जर तथा प्राप्ती प्रकृया अगाडि बढाउन सञ्चालक समितिलाई अधिकार दिने प्रस्ताव विशेष साधारण सभामा रहेको छ ।

उता फाइनान्सले पनि सोही दिन केन्द्रीय कार्यालयमा बिहान ११ बजे नै नबिल बैंकमा विलय हुन अन्तिम स्वीकृति लिनका लागि विशेष साधारण सभा बोलाएको छ । फाइनान्सले पनि मर्जर तथा प्राप्ती प्रकृयाका लागि भएका सम्पूर्ण काम कारवाहीको अनुमोदन गर्ने र नबिल बैंकमा विलय हुने स्वीकृति दिने प्रस्ताव रहेको छ । विशेष साधारण सभाका लागि बैंक तथा फाइनान्स दुबैले जेठ २८ गते शुक्रबार शेयर दाखिला खारेनजी (बुकक्लोज) मिति तोकेका छन् ।

यसअनुसार जेठ २७ गते बिहीबारसम्म नेप्सेमा शेयर कारोबार भई कायम रहन आउने शेयरधनीहरुले विशेष साधारण सभामा प्रतिनिधित्व जनाउन सक्नेछन् । यद्यपी फाइनान्सको शेयर कारोबार भने प्राप्ती सम्झौतासँगे नेप्सेमा रोक्का रहेको छ ।