काठमाडौं- साताको सुन कारोबार अन्तिम दिन शुक्रबार सुनको भाउमा वृद्धि भएको छ । आज सुनको भाउ प्रति तोला पाँच सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रति तोला १ लाख १८ हजार रुपैयाँमा कारोबार भइरहेको छ । यस्तै, तेजाबी सुन प्रति तोला १लाख १७ हजार ४५० रुपैयाँमा कारोबार भइरहेको छ ।

यस्तै, चाँदीको भाउमा पनि ५ रुपैयाँले वृद्धि भएको छ । आज चाँदी प्रति तोला १ हजार ३९५ रुपैयाँमा कारोबार भइरहेको छ ।