सानिमा माई हाइड्रोपावरको १५ प्रतिशत लाभांश घोषणा


काठमाडौं – सानिमा माई हाइड्रोपावरले गत आर्थिक वर्षको मुनाफाबाट शेयरधनीलाई वितरण गर्ने लाभांश घोषणा गरेको छ। कम्पनीले हाल कायम चुक्ता पूँजीको १५ प्रतिशत लाभांश वितरण गर्ने घोषणा गरेको छ । जसमा १० प्रतिशत बोनस शेयर र (कर प्रयोजनार्थ) ५ प्रतिशत नगद लाभांश रहेको छ।

कम्पनीको कात्तिक २७ गते बसेको सञ्चालक समितिको बैठकले शेयरधनीहरूलाई सो दरमा लाभांश वितरण गर्ने निर्णय गरेको हो। उक्त लाभांश नेपाल विद्युत प्राधिकरणबाट स्वीकृत भई आगामी वार्षिक साधारण सभाले पारित गरेपछि वितरण गरिनेछ।