रिलायन्स स्पिनिङ मिल्सको ३० प्रतिशत लाभांश घोषणा, असोज १४ गते बुक क्लोज गर्ने

काठमाडौं – रिलायन्स स्पिनिङ मिल्स ले गत आर्थिक वर्ष २०८२/८३को मुनाफाबाट आफ्ना शेयरधनीहरूलाई वितरण गर्ने लाभांश घोषणा गरेको छ। कम्पनीले हाल कायम चुक्ता पूँजीको ३० प्रतिशत नगद लाभांश (करसहित) वितरण गर्ने निर्णय गरेको हो।

कम्पनीको भदौ २९ गते बसेको सञ्चालक समितिको बैठकले सो दरमा लाभांश वितरण गर्ने निर्णय गरेको छ। उक्त लाभांश प्रस्ताव पारित गर्न कम्पनीले असोज २२ गते, अनुपम फुड ल्याण्ड एण्ड बैंक्वेट, बत्तीसपुतली, काठमाडौँमा ३२ औँ वार्षिक साधारण सभा बोलाएको छ। सो सभा बिहान ९ बजे शुरु हुनेछ।

साधारण सभा तथा लाभांश वितरण प्रयोजनार्थ कम्पनीले असोज १४ गते एक दिनका लागि बुकक्लोज गर्ने भएको छ। यस अनुसार असोज १३ गतेसम्म नेप्सेमा कारोबार भइ कायम शेयरधनीहरूले कम्पनीको साधारण सभामा सहभागी भई कम्पनीले वितरण गर्ने लाभांश प्राप्त गर्न सक्नेछन्।