एथर नेपालले नेपालगन्जमा खोल्यो पन्ध्रौँ एक्सपेरियन्स सेन्टर

नेपालगन्ज – विद्युतीय मोबिलिटी कम्पनी एथर नेपालले नेपालमा आफ्नो सञ्जाल विस्तार गर्दै नेपालगन्जमा आफ्नो पन्ध्रौँ एक्सपेरियन्स सेन्टर सञ्चालनमा ल्याएको छ। बसपार्क रोड, न्यु रोड दुई, नेपालगन्जमा रहेको नयाँ एक्सपेरियन्स सेन्टरमार्फत नेपालगन्ज तथा आसपासका ग्राहकले एथरका नवीनतम विद्युतीय स्कुटर, प्रविधि तथा ग्राहक अनुभवलाई प्रत्यक्ष रूपमा अनुभव गर्न सक्नेछन्। केन्द्रमा उत्पादनसम्बन्धी जानकारी, प्रदर्शन तथा परीक्षण सवारीको सुविधा उपलब्ध हुनेछ।

नेपालगन्जमा नयाँ एक्सपेरियन्स सेन्टर सञ्चालनमा आएसँगै एथरको एक्सपेरियन्स सेन्टर सञ्जाल काठमाडौं, पोखरा, चितवन, इटहरी, बुटवल, जनकपुर, बिर्तामोड, वीरगन्ज, धरान र विराटनगरलगायत प्रमुख शहरमा विस्तार भएको कम्पनीले जनाएको छ।

एथर चार सय पचास र एथर रिज्टा प्रमुख आकर्षण

नेपालगन्जस्थित नयाँ एक्सपेरियन्स सेन्टरमा एथरका विभिन्न विद्युतीय स्कुटर उपलब्ध हुनेछन्। तीमध्ये एथर चार सय पचास र एथर रिज्टा प्रमुख रहेका छन्।

एथर चार सय पचासलाई गतिशील प्रदर्शन तथा प्रविधिमा आधारित शहरी मोबिलिटी अनुभव खोज्ने ग्राहकलाई लक्षित गरिएको छ। प्रतिक्रियाशील प्रदर्शनसँगै यसले प्रविधिमैत्री र आकर्षक सवारी अनुभव प्रदान गर्ने कम्पनीको भनाइ छ।

त्यस्तै, एथर रिज्टालाई दैनिक तथा पारिवारिक प्रयोगलाई ध्यानमा राखेर डिजाइन गरिएको छ। आराम, व्यवहारिकता र स्मार्ट सुविधाको संयोजन रहेको रिज्टा दैनिक आवतजावत तथा परिवारकेन्द्रित मोबिलिटीका लागि उपयुक्त विकल्पका रूपमा प्रस्तुत गरिएको छ।

स्मार्ट प्रविधिमा जोड

एथरले आफ्ना विद्युतीय स्कुटरमा प्रविधिमा आधारित नयाँ सुविधालाई प्राथमिकता दिँदै आएको छ। कम्पनीका अनुसार पछिल्ला प्रमुख प्रविधिमा म्याजिक ट्विस्ट, इन्फिनिट क्रुज र भ्वाइस इन्टर्याक्सन्स रहेका छन्।

म्याजिक ट्विस्ट सुविधामार्फत थ्रोटललाई सरल रूपमा ट्विस्ट गरेर नियन्त्रित रूपमा गति घटाउन तथा ब्रेकिङ गर्न सकिन्छ। यसले बारम्बार ब्रेक लिभर प्रयोग गर्नुपर्ने आवश्यकता कम गर्न सहयोग गर्ने कम्पनीको दाबी छ।

इन्फिनिट क्रुजले लामो दूरीको यात्रामा स्थिर क्रुजिङ अनुभव प्रदान गर्दै चालकको प्रयास कम गर्न सहयोग गर्छ। त्यस्तै, भ्वाइस इन्टर्याक्सन्समार्फत आवाजमा आधारित आदेश प्रयोग गरी स्कुटरसँग अन्तरक्रिया गर्न सकिन्छ।

यी सुविधामार्फत एथरले विद्युतीय मोबिलिटीलाई वातावरणमैत्री मात्र नभई स्मार्ट, सहज र दैनिक प्रयोगका लागि रमाइलो बनाउने आफ्नो प्रविधिमैत्री दृष्टिकोणलाई निरन्तरता दिएको जनाएको छ।

एथर एस्योरेन्समार्फत स्वामित्वको विश्वास

नेपालमा विद्युतीय सवारीको प्रयोग बढ्दै जाँदा ब्याट्रीको आयु, बिक्रीपछिको सेवा तथा दीर्घकालीन स्वामित्वप्रति ग्राहकको विश्वास महत्वपूर्ण बन्दै गएको छ। यसलाई सम्बोधन गर्न एथर नेपालले बलियो स्वामित्व सहयोग तथा राष्ट्रव्यापी इकोसिस्टममा आधारित एथर एस्योरेन्सलाई प्राथमिकतामा राखेको जनाएको छ।

यसअन्तर्गत एथरको एट सेभेन्टी ब्याट्री वारेन्टी महत्वपूर्ण पक्षका रूपमा रहेको कम्पनीले जनाएको छ। यसले स्कुटरको ब्याट्रीसम्बन्धी दीर्घकालीन आश्वासन प्रदान गर्दै विद्युतीय सवारीको स्वामित्वप्रति ग्राहकको विश्वास बढाउन सहयोग गर्ने कम्पनीको भनाइ छ।

त्यसैगरी, एथर नेपालले आफ्नो चार्जिङ तथा सर्भिस पूर्वाधार पनि विस्तार गर्दै आएको जनाएको छ। हाल नेपालभर पचासभन्दा बढी फास्ट चार्जिङ स्थान तथा दसवटाभन्दा बढी अधिकृत सर्भिस सेन्टर सञ्चालनमा रहेको कम्पनीको दाबी छ।

नेपालगन्जका ग्राहकलाई विशेष उद्घाटन योजना

नेपालगन्जमा आफ्नो पन्ध्रौँ एक्सपेरियन्स सेन्टर सञ्चालनको अवसरमा एथर नेपालले स्थानीय ग्राहकका लागि विशेष उद्घाटन योजना सार्वजनिक गरेको छ। यो योजना तीन असोज दुई हजार त्रियासी सम्म लागू हुने कम्पनीले जनाएको छ।

योजनाअन्तर्गत नगद खरिद गर्ने ग्राहकले आठ वर्षको विस्तारित ब्याट्री वारेन्टी प्राप्त गर्नेछन्। किस्ताबन्दीमार्फत खरिद गर्ने ग्राहकका लागि शून्य प्रतिशत ब्याजदरमा वित्तीय सुविधा उपलब्ध हुनेछ। त्यस्तै, पुरानो सवारी साटेर एथरको स्कुटर खरिद गर्ने ग्राहकले थप आठ हजार रुपैयाँको मूल्याङ्कन लाभ प्राप्त गर्नेछन्।

विशेष उद्घाटन योजनामार्फत नेपालगन्जका ग्राहकलाई एथरका नवीनतम विद्युतीय स्कुटर अनुभव तथा स्वामित्वमा थप मूल्य र सुविधा प्रदान गर्ने कम्पनीको लक्ष्य छ।

नेपालगन्जमा नयाँ एक्सपेरियन्स सेन्टर विस्तारसँगै एथर नेपालले प्रमुख शहरी क्षेत्रहरूमा मात्र सीमित नभई देशका विभिन्न क्षेत्रका ग्राहकसम्म प्रविधि, विश्वसनीयता, चार्जिङ पूर्वाधार तथा ग्राहक सेवाको पहुँच विस्तार गर्ने प्रतिबद्धतालाई निरन्तरता दिएको जनाएको छ।

बसपार्क रोड, न्यु रोड दुई, नेपालगन्जमा रहेको नयाँ एक्सपेरियन्स सेन्टर एथरका उत्पादनबारे जानकारी लिन, नवीनतम प्रविधिको प्रत्यक्ष अनुभव गर्न, परीक्षण सवारी गर्न तथा स्वामित्व, चार्जिङ र बिक्रीपछिको सेवासम्बन्धी जानकारी प्राप्त गर्ने प्रमुख गन्तव्यका रूपमा रहने कम्पनीले जनाएको छ।