उपसभामुख ठाकुरद्वारा बाढीपीडितका लागि एक महिनाको पारिश्रमिक सहयोग

काठमाडौं – प्रतिनिधि सभाकी उपसभामुख रुबी कुमारी ठाकुरले रसुवाको भोटेकोशी नदीमा आएको बाढीबाट प्रभावित नागरिकको राहत तथा पुनःस्थापनाका लागि आफ्नो एक महिनाको पारिश्रमिक सहयोग गर्ने निर्णय गरेकी छन्।

उपसभामुख रुबी कुमारीले आफ्नो एक महिनाको पारिश्रमिक प्रधानमन्त्री दैवी प्रकोप उद्धार कोषमा जम्मा गर्न संघीय संसद् सचिवालयको प्रशासन शाखालाई निर्देशन दिएकी हुन्।

बाढीबाट प्रभावित नागरिकको राहत, उद्धार तथा पुनःस्थापनामा सहयोग पुगोस् भन्ने उद्देश्यले आफ्नो एक महिनाको पारिश्रमिक सहयोग गर्ने निर्णय गरेको उपसभामुखको सचिवालयले जनाएको छ।