अर्थमन्त्री वाग्ले र एडिबीका अध्यक्ष मासातो कान्डाबिच भेटवार्ता

काठमाडौं – अर्थमन्त्री डा. स्वर्णिम वाग्ले र एसियाली विकास बैंक (एडिबी) का अध्यक्ष मासातो कान्डाबिच भेटवार्ता भएको छ। सोमबार सिंहदरबारस्थित अर्थ मन्त्रालयमा सो भेटवार्ता भएको हो।

भेटमा अर्थमन्त्री डा. वाग्लेले नेपालको विकासका लागि एडिबीका तर्फबाट भएको सहयोग र लगानी परिचालनका लागि अध्यक्ष कान्डालाई धन्यवाद ज्ञापन गर्दै आगामी दिनमा निरन्तर सहयोगका लागि आग्रह गरे।

अर्थमन्त्री डा. वाग्लेसँगको भेटमा अध्यक्ष कान्डाले नेपालको विकासका लागि सहकार्य आफूहरूको उच्च प्राथमिकतामा रहेको बताएका अर्थमन्त्रीको सचिवालयले जनाएको छ।