जेनजी प्रदर्शनमा भएको क्षतिमा साढे २३ अर्बको बीमा दाबी, ३ अर्ब ६८ करोड ४१ लाख भुक्तानी

काठमाडौं – कूल बीमा दाबी करिव २३ अर्ब ४६ करोड ९१ लाख रुपैयाँमध्ये हालसम्ममा अग्रिम भुक्तानी समेत गरी करिव ३ अर्ब ६८ करोड ४१ लाख रुपैयाँ दाबी रकम बीमितहरूलाई भुक्तानी भएको छ। हालैको जेन–जी आन्दोलनका क्रममा भएका भौतिक तथा अन्य क्षतिको निर्जीवन बीमा कम्पनीहरूमा परेको कूल बीमा दाबी करिव २३ अर्ब ४६ करोड ९१ लाख रुपैयाँमध्ये हालसम्ममा अग्रिम भुक्तानी समेत गरी करिव ३ अर्ब ६८ करोड ४१ लाख रुपैयाँ दाबी रकम बीमितहरूलाई भुक्तानी भएको छ।

प्राधिकरणमा निर्जीवन बीमा कम्पनीहरूबाट प्राप्त पछिल्लो तथ्याङ्क अनुसार, कम्पनीहरूबाट अग्रिम भुक्तानी समेत गरी भुक्तानी भएको कूल दाबी रकममध्ये सम्पत्ति बीमातर्फ ६९३ वटा दाबीको दाबी रकम करिव १९ अर्ब ४ करोड ९ लाख रुपैयाँमध्ये करिव २ अर्ब ९२ करोड ८६ लाख रुपैयाँ र मोटर बीमातर्फ २ हजार २९० वटा दाबीको दाबी रकम करिव ३ अर्ब ४७ करोड ७ लाख रुपैयाँ मध्ये करिव ६८ करोड ६१ लाख रुपैयाँ भुक्तानी भएको छ।

यसैगरी, इञ्जिनीयरिङ तथा ठेक्का जोखिम बीमातर्फ २०९ वटा दाबीको करिव ५४ करोड ७५ लाख रूपैयाँ दाबी रकममध्ये करिव ६ करोड २३ लाख रूपैयाँ ,परिवहन बीमातर्फ १२ वटा दाबीको करिव १ करोड ६८ लाख रूपैयाँ दाबी रकममध्ये करिव ४७ लाख रूपैयाँ र अन्य बीमातर्फ ४२ वटा दाबीको करिव ३९ करोड ३० लाख रूपैयाँ दाबी रकममध्ये करिव २३ लाख रूपैयाँ अग्रिम भुक्तानी समेत गरी दाबी रकम भुक्तानी भएको छ।

पुनर्बीमा कम्पनीबाट बीमकहरूलाई करिव २ अर्ब ४८ करोड १० लाख रुपैयाँ अग्रिम भुक्तानी जेन–जी आन्दोलनका क्रममा भएका भौतिक तथा अन्य क्षतिको बीमा दाबी भुक्तानीका लागि नेपाल पुनर्बीमा कम्पनीले निर्जीवन बीमा कम्पनीहरूलाई करिव २ अर्ब ४८ करोड १० लाख रुपैयाँ अग्रिम भुक्तानी (पेश्की) उपलब्ध गराएको छ। नेपाल पुनर्बीमा कम्पनीमा परेको कूल २ हजार ८५७ वटा पुनर्बीमा दाबीको दाबी रकम करिव १५ अर्ब ८२ करोड ७० लाख रुपैयाँ रहेको अद्यावधिक तथ्याङ्क रहेको छ।