नेप्सेमा झिनो अंकको सुधार, कारोबार रकम ११ अर्ब ३७ करोड

काठमाडौं – आज साताको पहिलो कारोबारको दिन आइतबार  शेयर बजारमा झिनो अंकको वृद्धि भएर बन्द भएको छ । आज शेयर बजार मापक परिसूचक नेपाल स्टक एक्सचेन्ज (नेप्से) ० दशमलव  ९५ अंकले  बढेर बजार  २६ सय ५६ दशमलव ३४ को बिन्दुमा कायम भएको छ । आज ९८ कम्पनीको  शेयर मूल्य बढेको छ भने  १४९ कम्पनीको शेयर मूल्य घटेको छ ।  

आज दिनभरिमा ३०८ कम्पनीको २ करोड ५२ लाख ५४ हजार  कित्ता शेयर किनबेच हुँदा ११ अर्बभन्दा माथिको शेयर कारोबार भएको छ। आज सबैभन्दा धेरै सानीमा माई हाइड्रो पावर लिमिटेडको शेयर कारोबार भएको छ । आज यस कम्पनीको ८९ करोड रुपैयाँ भन्दा माथि शेयर कारोबार भएको छ । 

आज सबैभन्दा ग्रिन डेभलपमेन्ट  बैंक र पियोर इनर्जीका  लगानीकर्ताले कमाएका छन् । आज ग्रिन डेभलपमेन्ट बैंकका लगानी कर्ताले १० प्रतिशतका दरले कमाएका छन् भने पियोर इनर्जीका लगानीकर्ताले ९ दशमलव ९९ प्रतिशत दरले कमाएका छन् ।  आज सबैभन्दा नेपाल हाइड्रो डेभलपर लिमिटेडको लगानीकर्ताले गुमाएका छन् । यस कम्पनीका लगानीकर्ताले ४ दशमलव ४३ आज प्रतिशतका दरले गुमाएका हुन् ।