काठमाडौं– आकस्मिक मर्मतले गर्दा  एक घण्टाको लागि बन्द गरिएको त्रिुभवन अन्तर्राष्ट्रिय विमानस्थलमा नियमित उडान सुरु भएको छ। धावनमार्गमा सानो  खाल्डो परेपछि शुक्रबार मध्याह्न विमानस्थल बन्द गरिएको थियो । 

रनवे ०२ भागमा सानो खाल्डो परेपछि एक घण्टाको लागि विमानस्थल बन्द गरिएको तर अहिले मर्मत सकेर नियमित गतिमा फर्किएको  त्रिभुवन अन्तर्राष्ट्रिय विमानस्थलका  प्रवक्ता सुवास झाले बताए । विमानस्थलमा आकस्मिक समस्या देखिएर  केही जहाजहरू आकाशमै होल्ड गरिएको थियो ।