काठमाडौं – बैंक तथा वित्तीय संस्थाहरूले नेपाल राष्ट्र बैंकबाट फागुन यता १२ खर्ब ३६ अर्ब ६० करोड रुपैयाँ बराबरको निक्षेप सुविधा लिएका छन् । बैंक तथा वित्तीय संस्थाहरूले फागुन १ गते यता जम्मा गर्ने र झिक्ने गर्दै सो बराबरको निक्षेप राष्ट्र बैंकमा जम्मा गरेका हुन् ।

हाल राष्ट्र बैंकमा यस अन्तरगतकाे खुद निक्षेप (बक्यौता)  ८३ अर्ब ४० करोड रुपियाँ मात्रै छ । यो निक्षेप बुधवार परिपक्व हुन्छ।त्यसपछि, बैंकहरुले व्याज सहित रकम फिर्ता  पाउनेछन् । त्यसपछि बैंक तथा वित्तीय संस्थाले बुधबारनै पुनः यस्तो निक्षेप राष्ट्र बैंकमा जम्मा गर्न सक्नेछन् । 

२० करोड रुपैयाँ र सोभन्दा बढीको हकमा पाँच करोडले भाग गर्दा निःशेष रहने अंक बराबरको रकम राष्ट्र बैंकमा जम्मा गर्न सक्नेछन् । राष्ट्र बैंकले चालु आर्थिक बर्ष २०८०/८१ मौद्रिक नीतिबाटै बैंकहरुलाई  स्थायी निक्षेप सुविधा दिने घोषणा गरेको थियो।