काठमाडौं–नेपाल राष्ट्र बैंकको ६९ औं वार्षिकोत्सवको अवसरमा नेपाल राष्ट्र बैंक विराटनगर कार्यालयले अन्तर बैंक हाजिरीजवाफ प्रतियोगिता सञ्चालन गर्ने भएको छ । वैशाख १२ गते बैंकको सभाहलमा सञ्चालन हुने उक्त प्रतियोगितामा १५ बैंकले सहभागिता जनाउने भएका छन्।

प्रतियोगितामा प्रथम, द्वितीय र तृतीय स्थान हासिल गर्ने टीमलाई वैशाख १४ गते कार्यालय परिसरमा हुने वार्षिकोत्सव समारोहमा नगद, ट्रफी, मेडल तथा प्रमाण पत्र सहित पुरस्कृत गर्ने बैंकले जनाएको छ । वार्षिकोत्सवको अवसरमा बैंकले रक्तदानसहित विभिन्न खेलकुदका कार्यक्रमहरु समेत सञ्चालन गरिरहेको छ ।