काठमाडौं– सिद्धार्थ प्रिमियर इन्स्योरेन्स कम्पनी लिमिटेड फागुन ११ गते बुक क्लोज गर्ने भएको छ । मंगलबार बसेको कम्पनीको सञ्चालक समितिको बैठकले फागुन ११ मा बुक क्लोज गर्ने निर्णय गरेको हो ।

गत आर्थिक वर्षका लागि सेयरधनीहरुलाई प्रस्ताव गरिएको ११ प्रतिशत नगद लाभांश र साधारण सभाका लागि बुक क्लोज गरिने हुँदा फागुन १० गतेसम्म नेप्सेमा कारोबार भई कायम भएका सेयरधनीहरु मात्रै कम्पनीद्वारा प्रस्तावित लाभांश प्राप्त गर्न सभामा सहभागी हुन योग्य हुनेछन् ।

कम्पनीको वार्षिक साधारण सभा भने आगामी फागुन ३० गते हुनेछ ।