विश्व वातावरण दिवसको अवसरमा जेठ २३ गते चौथो सांग्रिला साइकल र्याली

काठमाडौं – चौथो सांग्रिला साइकल र्याली जेठ २३ गते शनिबार आयोजना हुने भएको छ। विश्व वातावरण दिवसको अवसर पारेर आयोजना हुदै आएको सांग्रिला साइकल र्याली यसपटक जेठ २३ गते शनिबार आयोजना गर्न लागिएको हो।

र्याली काठमाडौंकाे गैरीधारास्थित एलिस रिसेप्सनबाट शुरु भइ दरबार मार्ग, सुन्धारा, त्रिपुरेश्वर, थापाथली, माइतीघर, नयाँ बानेश्वर, पुरानो बानेश्वर, गौशाला, रातोपूल, जैन भवन, सांग्रिला डेभलपमेन्ट बैंक केन्द्रीय कार्यालय बालुवाटार हुँदै एलिस रिसप्सेन गैरीधारामा पुगेर समापन हुने छ।

विहान ७ बजे शुरु हुने र्याली सहभागी हुन ह्वाट्स नम्बर ९८६३५८९००१ मा registration लेखि पठाएर वा https://wa.me/message/3EHCI74Z2DQAK1 लिंकमा गएर वा तस्बिरमा रहेको क्यूआर कोडमा स्क्यान गरेर नाम दर्ता गराउन सकिने छ।

वातावरणको संरक्षणका साथै साइकल संस्कृतिको विकासमा सहयोग पु-याउने उद्धेश्यले सांग्रिला डेभलपमेन्ट बैंकले यसअघि पहिलो, दोश्रो र तेश्रो साइकल र्याली आयोजना गरिसकेको छ। यसअघिका साइकल र्यालीमा जस्तै यसपटक पनि वातावरणप्रति चासो राख्ने तथा साइकलमैत्री शहर चाहने सबैको सहयोगको अपेक्षा गरेको जनाएको छ।

आम नागरिकको प्रगाढ विश्वास र भरोसाले गर्दा साग्रिला डेभलपमेन्ट बैंकले हाल मुलुकभर १०९ शाखा कार्यालय र ३० वटा एटीएम मार्फत सेवा प्रवाह गर्दै आएको छ।