भरुवा बन्दुकसहित एक जना पक्राउ

काठमाडौं – भरुवा बन्दुकसहित सर्लाहीमा एक जना पक्राउ परेका छन्। सर्लाहीको बरहथवा नगरपालिका – १२ लौकट गाउँबाट एकनाले भरुवा बन्दुक १ थान, बारुद करिब १ सय ग्राम र फलामको छर्रा ८० थानसहित बागमती नगरपालिका – २ सुकुम्बासी टोल बस्ने ३८ वर्षीय बुद्धिमान घलान पक्राउ परेका हुन्।

इलाका प्रहरी कार्यालय हिरापुरबाट खटिएको प्रहरीले उनलाई उक्त हातहतियारसहित पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।