एनएमबि क्यापिटलले सञ्चालन गरेका दुई म्युचुअल फण्डहरुले प्रति इकाई खुद मूल्यमा सामान्य सुधार आएकोे छ । गत असारको तुलनामा साउनमा एनएमबि फिफ्टी को ७ पैसा तथा एनएमबि हाईब्रिड फण्ड एल –१ को प्रति इकाई मूल्य २ पैसाले बढेको छ ।

एनएमबि फिप्टी

एनएमबि फिप्टी को साउन मसान्तमा प्रति इकाई खुद मूल्य १० रुपैयाँ ९७ पैसा रहेको छ । जुन गत असारको तुलनामा ७ पैसा बढी हो । गत असार महिनामा प्रति इकाई खुद मूल्य १० रुपैयाँ ९० रुपैयाँ रहेको थियो ।

फण्डले ३८ वटा सूचीकृत कम्पनीहरुमा ५७ करोड ५३ लाख ३६ हजार रुपैयाँ लगानी गरेको छ । त्यसमध्ये सबै भन्दा धेरै १५ वटा वाणिज्य बैंकहरुमा ३५ करोड ७२ लाख ५३ हजार रुपैयाँ लगानी गरेको छ ।

साउनमसान्त सम्म फण्डले कुल ८९ करोड २५ लाख ५५ हजार रुपैयाँ लगानी गरेको छ । फण्डले सूचिकृत कम्पनीहरुको शेयर, सरकारी ऋणपत्र, सार्वजनिक निष्काशन, हकप्रद र बोनस तथा स्थिर आय उपकरणमा उक्त रकम लगानी गरेको हो। त्यसैगरी, बैंक मौज्दातमा १८ करोड ७५ लाख रुपैयाँ बचत गरेको छ ।

एनएमबि हाईब्रिड फण्ड एल –१

एनएमबि हाईब्रिड फण्ड एल –१ को असारको तुलनामा साउनमा २ पैसाले प्रति इकाई खुद मूल्य बढेकोे छ । असारमा ११ रुपैयाँ ४८ पैसा रहेको फण्डको प्रति इकाई खुद मूल्य असारमा ११ रुपैयाँ ५० पैसामा पुगेको छ ।

साउन मसान्तसम्ममा कुल ९५ करोड ६० लाख रुपैयाँ लगानी गरेको फण्डले सबै भन्दा धेरै सूचीकृत शेयरमा ४८ करोड रुपैयाँ लगानी गरेको छ । त्यस्तै ऋणपत्रहमा ३० करोड रुपैयाँ, सार्वजनिक निष्काशन, हकप्रद, बोनस सेयरमा १ करोड ७७ लाख रुपैयाँ लगानी छ ।

सूचीकृत कम्पनी मध्ये पनि सबै भन्दा धेरै १७ वाणिज्य बैंकहरुमा १९ करोड ४९ लाख ३६ हजार रुपैयाँ लगानी रहेको छ त्यसैगरी फण्डले बैंक मौज्दातमा १५ करोड रुपैयाँ बचत गरेको छ ।