कुलमानले कार्यकारी निर्देशकबाट नियम विपरीत हटाएको भन्दै हितेन्द्रले हाले सर्वोच्चमा मुद्दा

काठमाडौं – नेपाल विद्युत् प्राधिकरण (नेपाल विद्युत् प्राधिकरण)का पूर्व कार्यकारी निर्देशक हितेन्द्रदेव शाक्यले आफूलाई पदबाट हटाइएको निर्णयविरुद्ध सर्वोच्च अदालतमा रिट निवेदन दायर गरेका छन्।

शाक्यले ऊर्जा, जलस्रोत तथा सिँचाइ मन्त्री कुलमान घिसिङले नियमविपरीत र व्यक्तिगत स्वार्थका आधारमा आफूलाई कार्यकारी निर्देशकको पदबाट हटाएको आरोप लगाएका छन्। उनले उक्त निर्णय गैरकानूनी भएको भन्दै सर्वोच्च अदालतसमक्ष उक्त निर्णय बदर गरी आफूलाई पुनः पदमा  पुनर्स्थापित गर्न माग गरेका छन्।

यसअघि ऊर्जा मन्त्री घिसिङले नेपाल विद्युत् प्राधिकरणको नेतृत्वमा ‘व्यवस्थापकीय सुधारका लागि’ भन्दै शाक्यलाई पदमुक्त गरी नयाँ कार्यकारी निर्देशकको जिम्मेवारी अन्य व्यक्तिलाई दिएका थिए।