बैंकिङ्ग समाचार, काठमाडौं ।
नेपाल औधोगिक क्षेत्र उद्योग महासंघले नेपाल सरकारले सडकको भाषा बुझ्ने मात्र सरकार भएकाले औधोगिक क्षेत्रको समस्या समाधान गर्न अग्रसर रहेको बताएको छ । काठमाडौंको टेकुमा भएको पत्रकार सम्मेलनमा राजनैतिक दलहरुले जनतालाई आस्वासन मात्रै दिएको र देशको औधोगिक क्षेत्रमा कुनै योगदान गर्न सरकार लागि नपुरेको महासंघको धारणा रहेको छ ।

हाल नेपाल औधोगिक क्षेत्र उद्योग महासंघ सँग सरकारले दुई दिन भित्र सम्झौता नगरे आन्दोलनको तयारी गर्ने जनाएको छ । महासंघका उपाध्यक्ष दिनेश श्रेष्ठले भने, ‘ सरकारले वार्तामार्फत समस्या समाधान गर्न नसके २ दिन पछि अर्काे निर्णय गर्न बाध्य हुन्छौं । साथै, सरकाले औधोगिक क्षेत्रलाई पनि गुठिको जस्तै बनाउनु पर्ने उनको तर्क थियो ।

त्यस्तै, कुल देशभरी १० ओटा औधोगिक क्षेत्रहरु रहेकोले सरकारले सम्झौता भएअनुसारको १० ओटा सम्झौतामा जम्मा २ वटा मात्र सम्झौता सरकारले लागु गरेको महासंघले बताएको छ ।