काठमाडौं – बुधबार नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ सय रुपैयाँले घटेर १ लाख ४९ हजार ७ सय रुपैयाँमा कारोबार भइरहेको छ ।

हिजो सुन प्रतितोला १ लाख ४९ हजार ८ रुपैयाँमा कारोबार भइरहेको थियो । आज चाँदीको मूल्य पनि तोलामा ५ रुपैयाँले घटेर १८ सय रुपैयाँ कायम भएको छ। हिजो चाँदी तोलामा १८ सय ५ रुपैयाँमा किनबेच भएको थियो।

आइतबार प्रतितोला ११ सय रुपैयाँले बढेर १ लाख ४९ हजार ६०० रुपैयाँमा कारोबार भएको सुन सोमबार प्रतितोला २ सय रुपैयाँले बढेर १ लाख ४९ हजार ८ सय रुपैयाँमा कारोबार भएको थियो । त्यस्तै, मंगलबार सुनको मूल्य स्थिर रहेको थियो ।