काठमाडाैं – कुखुराको अन्डाको मूल्य बढ्काे छ । आज (५ पुस) देखि लागु हुनेगरी अन्डाको मूल्य प्रतिक्रेट १५ रुपैयाँको दरले बढाएको नेपाल लेयर्स कुखुरापालक संघले जनाएको हो ।

संघका अनुसार मिडियम साइज अन्डा प्रतिक्रेट ४७० रुपैयाँबाट ४८५ र ठूलो अन्डा प्रतिक्रेट ४८५ रुपैयाँबाट ५०० रुपैयाँ प्रतिक्रेट पुगेको छ । संघको बिहीबार बसेको बैठकले चितवनलाई आधार मानेर बिक्री मूल्य तय गरेकाे हाे ।

संघले अन्डा बिक्री डिपोमा पुर्‍याउँदा भाडा, कार्टुन र क्रेट सहितको प्रति पेटी १४० रुपैयाँ थप लाग्ने जनाएको छ। अब बजारमा अन्डाको मूल्य प्रतिगोटा १६ रुपैयाँ बढी पर्ने भएको छ ।