काठमाडाैं – वैदेशिक रोजगारीमा अस्ट्रेलिया र दुबई पठाउने भन्दै ठगी गरेको आरोपमा दुई जना पक्राउ परेका छन् । पक्राउ पर्नेहरूमा भक्तपुरको भक्तपुर नगरपालिका–१० कमल विनायक घर भएका ३६ वर्षीय ज्वालाराम मुस्याख्वा र रुपन्देहीको बुटवल उपमहानगरपालिका–१३ नयाँ गाउँका ३७ वर्षीय बुद्धिबहादुर बस्याल छन् ।

उनीहरूलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । मुस्याख्वाले वैदेशिक रोजगारीमा अस्ट्रेलिया पठाउँछु भन्दै एक जनाबाट २ लाख ठगेको आरोप छ भने बस्यालले दुबई पठाउँछु भन्दै १ लाख ९० हजार ठगी गरेको आरोप छ ।