काठमाडौं – बिहीबार नेपाली बजारमा सुनको मूल्यमा गिरावट आएको छ । सुन आज तोलामा १ हजार ७०० रुपैयाँले घटेको हो । नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ४९ हजार रुपैयाँमा कारोबार भइरहेको छ ।

अघिल्लो दिन भने सुन तोलामा एक लाख ५० हजार ७०० रुपैयाँमा खरिदबिक्री भइरहेको थियो । आइतबार एकै दिन २ हजार रुपैयाँले घटेको सुनको मूल्य सोमबार र मंगलबार बढेको थियो ।

बुधबार मूल्य प्रतितोला ७ सय रुपैयाँले घटेको सुनको मूल्य आज १७ सय रुपैयाँले घटेको हो । आज चाँदीको मूल्य पनि घटेर प्रतितोला एक हजार ७८० रुपैयाँमा किनबेच भइरहेको छ ।